دو معصوم بھائی کلہاڑی کے وار سے قتل، تیسرا شدید زخمی

بھارتی :ریاست اتر پردیش میں پیش آنے والے افسوسناک واقعے میں ایک شخص نے بہیمانہ طریقے سے کلہاڑی کے وار سے دو بچوں کو قتل کردیا غیر ملکی ذرائع کے مطابق واقعے کے بعد پولیس نے ملزم کو پکڑنے کی کوشش کی تو اس نے فائرنگ کردی، جوابی کارروائی میں ملزم کو ہلاک کردیا گیا مذکورہ معاملہ سامنے آنے بعد علاقے میں کشیدگی پھیل گئی پولیس اور انتظامیہ نے امن قائم کرنے کی اپیل کی ہے دونوں بچوں کی لاشیں پوسٹ مارٹم کے لیے بھیج دی گئی ہیں قتل کی وجہ تاحال واضح نہیں ہوسکی ہے ملزم کی عمر 25 سے 30 سال کے درمیان بتائی جارہی ہے، حملے میں 2بچے مارے گئے جبکہ ایک شدید زخمی ہے، جس کا اسپتال میں علاج جاری ہے ڈی جی پی پرشانت کمار کے مطابق یہ واقعہ منگل کی شام آٹھ بجے پیش آیا ساجد نامی شخص نے اپنی دکان کے سامنے ونود کے گھر جاکر اس کی بیوی کے سامنے 3 بچوں پر حملہ کیا، جس کے بعد ملزم کو ہلاک کردیا گیا ہے جبکہ معاملے کی مزید تحقیقات شروع کردی گئی ہیں افسوسناک واقعہ سول لائنز تھانے کی منڈی پولیس چوکی سے چند قدم کے فاصلے پر رونما ہوا، جس کے بعد اہل خانہ اور علاقہ مکینوں نے دکانوں میں توڑ پھوڑ کی