سعودی عرب: میں مکہ مکرمہ کے رنگ روڈ 4 پر خوفناک ٹریفک حادثہ پیش آیا، جس کے نتیجے میں ام القری یونیورسٹی کی دو طالبات ہلاک جبکہ متعدد زخمی ہوئی ہیں بین الاقوامی خبر رساں ادارے کی رپورٹ کے مطابق جو بس حادثے کا شکار ہوئی ہے اس میں ام القری یونیورسٹی الزاہر برانچ کی طالبات سفر کررہی تھیں جبکہ بس طالبات کو ٹرانسپورٹ فراہم کرنے والی کمپنی کی تھی سوشل میڈیا پر گردش کرنے والی تصاویر میں دیکھا جا سکتا ہے بظاہر یونیورسٹی کی بس سڑک پر بجلی کے کھمبے سے ٹکرا گئی، متعلقہ حکام نے حادثے کی تحقیقات کا آغاز کردیا ہے، جس کے بعد ضروری کارروائی شروع کی جائے گی افسوسناک حادثے کا شکار ہونے والی طالبات کے نام ریفان اور روان بتائے گئے ہیں ریفان کی دوست نے مقامی میڈیا سے بات کرتے ہوئے کہا کہ دوپہر 12 بجے حادثہ پیش آیا جبکہ کچھ زخمی طالبات کی حالت تشویشناک ہے معروف بھارتی اداکارہ کو ٹریفک حادثہ، وینٹیلیٹر پر منتقل، حالت نازک ریفان السلیمانی انوائیرمنٹ پروٹیکشن ٹیکنالوجی میں تعلیم حاصل کررہی تھیں جبکہ اس شعبے میں اپنا مقام بنانے کی خواہشمند تھیں مگر قسمت نے ساتھ نہ دیا
56
