ایسوسی ایشن کے نائب چیئرمین محمد مظہر حمادہ کا اس حوالے سے کہنا تھا کہ ماضی کے مقابلے الیکٹرک گاڑیوں کے انشورنس پریمیم میں کمی کا فیصلہ مذکورہ گاڑیوں کی طلب اور رسد میں اضافے کو دیکھتے ہوئے کیا گیا ہے ڈپٹی چیئرمین کا کہنا تھا کہ گاڑیوں کی اصلاح و مرمت کے لیے گیراج بھی کم ہیں، اس وجہ سے ان کی انشورنس پریمیم پہلے زیادہ ہوتی تھی لیکن اب جب کہ ان گاڑیوں کی مانگ بڑھ رہی ہے، اس لیے انشورنس پریمیم میں 50 فیصد کمی کا فیصلہ کیا گیا ہے انہوں نے کہا کہ الیکٹرک گاڑیاں بنانے والی کچھ کمپنیوں کی دبئی میں ایجنسیاں نہیں ہیں جس کی وجہ یہ ہے کہ مذکورہ کمپنیاں ان گاڑیوں کی مرمت کے علاوہ صرف ڈسٹری بیوٹرز پر انحصار کرتی ہیں ڈپٹی چیئرمین کا مزید کہنا تھا کہ اسپیئر پارٹس کی فراہمی انشورنس کمپنی کی ذمہ داری نہیں ہے۔ کمپنی صرف مطلوبہ رقم فراہم کرنے کی پابند ہے دوسری جانب دبئی پبلک ٹرانسپورٹ اتھارٹی کی جانب سے شہریوں کی سہولت کے لئے اہم فیصلہ کرلیا گیا، رہائشی اب پبلک ٹرانسپورٹ سے سفر کے لیے کرایہ ’فیس ریڈنگ‘ کے ذریعے ادا کر سکیں گے رپورٹ کے مطابق اس نئے طریقہ کار کے بعد پلاسٹک کارڈز، ٹکٹ، کریڈٹ کارڈز اور ’نول‘’کی ضرورت نہیں رہے گی اتھارٹی کی جانب سے فیس ریڈنگ کے ذریعے کرائے کی ادائیگی کے پروگرام کا تعارف جیٹکس 2023 میں کرایا جارہا ہے، جیٹکس 2023 دبئی ورلڈ کمرشل سینٹر میں جاری ہے ادارے کے ڈائریکٹر صلاح المرزوقی کا اس حوالے سے کہنا تھا کہ پبلک ٹرانسپورٹ سے سفر کرنے والوں کے لیے کرائے کی ادائیگی کا نیا اور آسان طریقہ متعارف کرا رہے ہیں صلاح المرزوقی نے بتایا کہ دبئی پبلک ٹرانسپورٹ سسٹم میں ہر شخص کا ایک کارڈ ہو گا۔ سمارٹ گیٹ سے گزرتے وقت فیس ریڈنگ پر متعلقہ شحص کے اکاؤنٹ سے کرائے کی رقم وصول ہو جائے گی ’ابوظبی: جدید ترین میٹرو سروس کا آغاز‘انہوں نے کہا کہ ’نول کارڈ استعمال کرنے والوں کو صرف ایک بار فیس ریڈنگ کرانا ہوگی، میٹرو دبئی، ٹرام دبئی، پبلک بس، ٹیکسی اور سمندری ٹرانسپورٹ میں سے کسی سے بھی سفر کرتے وقت مسافر کی فیس ریڈنگ کی جائے گی۔ خودکار سسٹم سے مسافر کے اکاؤنٹ سے کرایہ ادا ہو جایا کرے گا۔
54
