اسلام آباد: چیئرمین پاکستان تحریک انصاف پارلیمنٹیرین پرویز خٹک کا کہنا ہے کہ میں نے چیئرمین پی ٹی آئی کو کبھی بدنام کیا اور نہ کروں گا پرویز خٹک نے اپنے ایک بیان میں کہا کہ میں تو سچ بولتا ہوں کسی کو بُرا لگے تو میں کیا کر سکتا ہوں، ہم نے نئے پاکستان کا وعدہ کیا 4 سال میں ایک قدم بھی نہیں اٹھا سکے، لوگ منشور دیتے ہیں حکومت میں آتے ہی بھول جاتے ہیں عام انتخابات سے متعلق انہوں نے کہا کہ لگ تو ایسا رہا ہے کہ الیکشن فروری کے آخر میں ہو جائیں گے، کوئی پارٹی عدالت گئی تو الیکشن فروری سے بھی زیادہ آگے ہو سکتے ہیں، الیکشن جتنا آگے جائیں گے ملک کو اتنا نقصان ہوگا انہوں نے کہا کہ حکمرانوں نے ایسی پالیسی نہیں بنائی جس سے قرضے اتارے جا سکیں، معیشت کو دستاویزی شکل دینے تک ملک ترقی نہیں کر سکتا، کوئی 10 روپے ٹیکس دے اور کوئی لاکھوں تو ایسے ترقی نہیں ہوگی، ملک میں سرمایہ کاروں کو ٹیکس فری کر دیں ڈالر آنے لگیں گے گزشتہ روز اے آر وائی نیوز کے پروگرام ’آف دی ریکارڈ‘ میں گفتگو کرتے ہوئے پرویز خٹک نے دعویٰ کیا تھا کہ 9 مئی کا واقعہ نہ ہوتا تو سب کچھ طے تھا، چیئرمین پی ٹی آئی وزیر اعظم بن جاتے اور انڈر اسٹیڈنگ بھی ہو جاتی پرویز خٹک کا کہنا تھا کہ 9 مئی کے واقعات کے بعد 20 دن روپوش رہا یہ واقعات نہیں ہونے چاہیے تھے، ایسی کوئی معلومات نہیں تھی کہ سارا واقعہ ایک ہی ادارے کے خلاف جائے گا ’ایسے 3 موقع ملے کہ الیکشن کی طرف چلے جاتے ہیں لیکن چیئرمین پی ٹی آئی نہیں مانے۔ اگر 30 جولائی والی بات ہی مان لی جاتی تو 9 مئی کا واقعہ ہی نہ ہوتا۔ علیم خان کو وزیر اعلیٰ پنجاب بنا دیتے تو پی ٹی آئی کی حکومت نہ جاتی لڑائی اس بات پر شروع ہوئی ایک دن باجوہ صاحب (سابق آرمی چیف) نے کہا کہ بس میں اور نہیں کر سکتا۔ آرڈرز بہت ہوگئے تھے اسی لیے باجوہ صاحب نے کہا کہ اب نہیں کر سکتا سابق وزیر دفاع نے کہا کہ اسد عمر سمیت سب نے کوشش کی تھی کہ ڈیدلاک ختم ہو جائے، پارٹی چھوڑنے تک ڈیڈلاک ختم کرنے کی پوری کوشش کی، 3 مواقع آئے اگر باتیں مان لی جاتیں تو 9 مئی کا واقعہ ہوتا بھی نہیں، باتیں مان لی جاتیں تو چیئرمین پی ٹی آئی دوبارہ الیکشن بھی جیت سکتے تھے ان کا کہنا تھا کہ پی ٹی آئی میں اب واپسی کا فیصلہ مشکل ہے کیونکہ چیئرمین پی ٹی آئی اعتماد نہیں کرتے اور بات دل میں رکھتے ہیں، وہ کانوں کے کچے ہیں اگر کوئی چھوٹی سی بات بھی بتا دے تو اس کو دل میں رکھتے ہیں، وہ کوئی چیز نہیں چھپاتے سب ٹکا کر بول دیتے ہیں، ان کو اچھی طرح جانتا ہوں وہ کبھی ڈیل نہیں کریں گے
90
