کوئٹہ: آٹے کی فی کلو قیمت میں مزید 15 روپے کا اضافہ ہو گیا

 آٹے کی فی کلو قیمت میں مزید 15 روپے کا اضافہ ہو گیا، قیمت 150 روپے فی کلو تک پہنچ گئی تفصیلات کے مطابق مہنگائی نے عوام کے لیے جینا مزید مشکل کردیا ہے، کوئٹہ میں آٹے کی فی کلو قیمت میں مزید 15 روپے کا اضافہ ہو گیا ہے، آٹے کی قیمت 150 روپے فی کلو تک پہنچ چکی ہے ذرائع کا کہنا ہے کہ 20 کلو آٹے کے تھیلےکی قیمت 2800 سے بڑھ کر 3000 روپے سے زائد ہو گئی ہے ممبر فلور ملزم ایسوسی ایشن نے بتایا کہ بلوچستان سے گندم دیگر صوبوں کو اسمگل ہورہی ہے، نعیم آغا کے مطابق جب تک گندم کی اسمگلنگ نہیں روکی جاتی قیمتوں میں استحکام ممکن نہیں کچھ دنوں پہلے اداہ شماریات کی جانب سے اعداد و شمار جاری کیے گئے تھے جس کے مطابق کراچی کے شہری ملک میں سب سے مہنگا آٹا خرید رہے ہیں جہاں 20 کلو کا تھیلا 3200 روپے میں مل رہا ہے اس کے علاوہ اسلام آباد، راولپنڈی، حیدر آباد، گوجرانوالہ، خضدار، بہاولپور سمیت ملک بھر میں آٹے کی قیمت میں ہوشربا اضافہ ہوگیا ہے