62

اداکاراسد ملک کا جلد شادی کرنے کا فیصلہ حسین خاتون انسان کو خراب کرسکتی ہے ، ذہین خاتون صحیح راستہ دکھا سکتی ہے، اداکار

کراچی : پاکستان شوبز انڈسٹری کے معروف اداکار اسد ملک نے انکشاف کیا ہے کہ مداحوں کی بڑی تعداد اس بات سے لاعلم ہے کہ میں نے ابھی تک شادی نہیں کی، لیکن اب جلد ہی شادی کرنے والا ہوں۔نجی چینل کو دیے گئے انٹرویو میں معروف اداکار اسد ملک نے زندگی کے مختلف پہلوں، کام اور شادی کے معاملات کے حوالے سے کھل کر بات کی۔میزبان کے ایک سوال کے جواب میں انہوں نے بتایا کہ میرے حوالے سے کئی لوگوں کو یہ نہیں معلوم کہ میں نے ابھی تک شادی نہیں کی ہے۔میزبان کے ایک اور سوال کہ اب تک شادی کیوں نہیں کی کا جواب دیتے ہوئے اسد ملک نے بتایا کہ شادی کے نام سے خوف آتا ہے اور تنہائی پسند انسان ہوں، کسی کے ساتھ اپنی تنہائی بانٹنا پسند نہیں ہے پھر چاہے وہ بیوی ہی کیوں نہ ہو لیکن اب شادی کرنے کے بارے میں سوچ رہا ہوں اور جلد ہی اس کا اعلان کروں گا۔میزبان کے ایک اور سوال کے جواب میں اداکار نے بتایا کہ حسن پر ذہانت کو ترجیح دوں گے، کیونکہ حسین خاتون انسان کو خراب کر سکتی ہے جبکہ ذہین خاتون صحیح راستہ دکھا سکتی ہے۔

اس خبر پر اپنی رائے کا اظہار کریں

اپنا تبصرہ بھیجیں