وفاقی کانسٹیبلری (ایف سی) ہیڈ کوارٹر میں ہونے والے خودکش دھماکے کی تحقیقات میں اس بات کی تصدیق ہو گئی ہے کہ حملہ آور افغان شہری تھے، جبکہ نادرا نے تینوں حملہ آوروں کی افغان شہریت کی توثیق کر دی ہے تاہم ان کے مزید کوائف حاصل نہیں ہو سکے۔ تحقیقاتی حکام کے مطابق اب تک 100 سے زائد مشتبہ افراد سے پوچھ گچھ کی جا چکی ہے اور رحمان بابا قبرستان سے ایف سی ہیڈ کوارٹر تک حملہ آوروں کی آمد کی ویڈیو فوٹیج بھی حاصل کر لی گئی ہے۔ حکام کا کہنا ہے کہ سہولت کاروں کی نشاندہی اور گرفتاری کے لیے مزید تحقیقات جاری ہیں، جبکہ حملے کے روز خودکش بمباروں کے پاس کوئی موبائل فون موجود نہیں تھا۔ واضح رہے کہ 24 نومبر کو ایف سی ہیڈ کوارٹر میں خودکش دھماکے کے نتیجے میں جانی و مالی نقصان پیش آیا تھا۔
