اسلام آباد 27ویں آئینی ترمیم بل کا جائزہ لینے کے لیے پارلیمنٹ کی قانون و انصاف کمیٹی کا مشترکہ اجلاس شروع ہوگیااجلاس کی صدارت سینیٹر فاروق ایچ نائیک اور چوہدری محمود بشیر ورک کر رہے ہیں، جبکہ وزیرِ مملکت برائے قانون و انصاف بیرسٹر عقیل ملک ویڈیو لنک کے ذریعے اجلاس میں شریک ہیںواضح رہے کہ پاکستان تحریک انصاف (پی ٹی آئی) اور جمعیت علمائے اسلام (ف) نے گزشتہ روز اجلاس کا بائیکاٹ کیا تھااجلاس سے قبل میڈیا سے گفتگو میں سینیٹر فاروق ایچ نائیک نے کہا کہ ہر سیاسی جماعت کو رائے دینے کا حق حاصل ہے، آج تمام جماعتوں کی رائے کو دیکھا جائے گا، جس جماعت کی جو رائے ہوگی، اس پر غور کیا جائے گاانہوں نے مزید کہا کہ مسلم لیگ (ن) اور ایم کیو ایم کی تجاویز کو بھی زیرِ غور لایا جائے گا، اور اکثریتی رائے کے مطابق فیصلہ کیا جائے گافاروق ایچ نائیک نے کہا کہ اجلاس میں کیے گئے تمام فیصلے ایوان میں پیش کیے جائیں گے، امید ہے شام 5 بجے تک تمام امور کو حتمی شکل دے دی جائے گی۔
