واشنگٹن (ویب ڈیسک): امریکا کے اتحادی ممالک برطانیہ، فرانس، جرمنی اور جاپان سمیت چھ بڑی عالمی طاقتوں نے کہا ہے کہ وہ آبنائے ہرمز سے محفوظ بحری گزرگاہ کو یقینی بنانے کی کوششوں میں حصہ لینے کے لیے تیار ہیں۔
غیر ملکی میڈیا رپورٹس کے مطابق یہ اعلان ایسے وقت میں سامنے آیا ہے جب ایران کی جانب سے آبنائے ہرمز کی مؤثر ناکہ بندی کی گئی ہے۔ عام حالات میں دنیا کے تقریباً پانچویں حصے کے خام تیل اور مائع قدرتی گیس کی ترسیل اسی گزرگاہ سے ہوتی ہے۔
رپورٹس کے مطابق تنازع 28 فروری کو اس وقت شدت اختیار کر گیا جب امریکا اور اسرائیل کی جانب سے ایران کے خلاف کارروائیاں شروع کی گئیں، جس کے جواب میں تہران نے خلیجی خطے میں امریکی مفادات کو نشانہ بنانا شروع کیا۔
International Maritime Organization کے مطابق موجودہ صورتحال کے باعث تقریباً 20 ہزار ملاح 3,200 کے قریب جہازوں پر آبنائے کے مغربی حصے میں پھنسے ہوئے ہیں۔
یہ بیان امریکی صدر ڈونلڈ ٹرمپ کے اس بیان کے بعد سامنے آیا ہے جس میں انہوں نے بعض نیٹو ممالک کے انکار کو “احمقانہ غلطی” قرار دیا تھا۔ واضح رہے کہ جاپان کے علاوہ دیگر دستخط کنندگان NATO کے رکن ممالک ہیں۔
