اسلام آباد: پی ٹی آئی کی جانب سے الیکشن کمیشن آف پاکستان کو کاغذات نامزدگی کی تاریخ میں توسیع کی درخواست دیدی گئی ہے،تفصیلات کے مطابق اسلام آباد میں بلدیاتی انتخابات سے متعلق پی ٹی آئی کے ریجنل صدر عامر مغل کی زیرصدارت اجلاس منقد ہوا جس میں فیصلہ کیا گیا کہ الیکشن کمیشن کاغذات نامزدگی جمع کرانے کی تاریخ میں توسیع کی درخواست دی جائے،درخواست میں کہا گیا کہ 26 دسمبر کو اسلام آباد میں تعطیل کے باعث کاغذات جمع کرانے میں مشکلات ہونگی، الیکشن کمیشن کاغذات نامزدگی جمع کرانے میں 3 دن کی توسیع کرے،پاکستان تحریک انصاف کی جانب سے جمع کرائی گئی درخواست میں مزید کہا گیا کہ 125 یونین کونسلز کے 1125 کونسلرز کے کاغذات نامزدگی کیلئے کم وقت دیا گیا،ریجنل صدر پی ٹی آئی عامر مغل نے کارکنان کو ہدایت کی ہے کہ کارکن کاغذات نامزدگی میں خود کو ”سنی اتحاد کونسل“ کا امیدوار ظاہر کریں۔
خیال رہے کہ وزیراعلیٰ کے پی سہیل آفریدی بھی 26 دسمبر کو 3 روزہ دورے پر لاہور پہنچیں گے، امکان ہے کہ کوٹ لکھپت جیل میں ان کی پی ٹی آئی وائس چیئرمین شاہ محمودقریشی سے ملاقات ہوگی،سہیل آفریدی دورے کے دوران پہلے دن پنجاب اسمبلی جائیں گے، پنجاب اسمبلی میں وزیراعلیٰ خیبر پختونخوا پی ٹی آئی کی پارلیمانی پارٹی سے ملاقات کریں گے۔
