وزیراعلیٰ پنجاب مریم نواز کے صاحبزادے جنید صفدر کی دوسری شادی کی تاریخ سامنے آ گئی ہے، جس کے بعد شادی کی تقریبات کی تیاریاں زور و شور سے جاری ہیں۔میڈیا رپورٹس کے مطابق جنید صفدر کی ہونے والی اہلیہ شانزے شیخ ہیں، جو روحیل اصغر کی پوتی بتائی جاتی ہیں۔ شادی کی تقریبات آئندہ ماہ جنوری کے وسط میں منعقد ہوں گی۔ذرائع کے مطابق جنید صفدر کی شادی کی تقریبات 16، 17 اور 18 جنوری کو ہوں گی، جبکہ مہندی اور ولیمہ کی تقریبات جاتی امرا میں منعقد کی جائیں گی۔واضح رہے کہ جنید صفدر کی پہلی شادی معروف بزنس مین سیف الرحمان کی صاحبزادی عائشہ سے ہوئی تھی دونوں کا نکاح اگست 2021 میں لندن کے لینزبرو ہوٹل میں ہوا تھا، جبکہ شادی کی دیگر تقریبات پاکستان میں منعقد کی گئی تھیں۔بعد ازاں اکتوبر 2023 میں جنید صفدر اور عائشہ کے درمیان طلاق ہو گئی تھی اب جنید صفدر ایک نئی زندگی کا آغاز کرنے جا رہے ہیں۔
