پاکستان کی ڈیجیٹل معیشت تیزی س>ے ترقی کی راہ پر گامزن ہو گئی ہے اور آئی ٹی برآمدات نے نئی تاریخ رقم کر دی ہے۔ حکومتی اقدامات اور مؤثر پالیسیوں کے باعث انفارمیشن ٹیکنالوجی سیکٹر میں نمایاں بہتری دیکھنے میں آ رہی ہے۔اسٹیٹ بینک آف پاکستان کے مطابق رواں مالی سال کے پہلے پانچ ماہ کے دوران آئی ٹی برآمدات میں 19 فیصد اضافہ ریکارڈ کیا گیا ہے۔ جولائی سے نومبر کے عرصے میں آئی ٹی برآمدات کا مجموعی حجم ایک ارب 80 کروڑ ڈالر تک پہنچ گیا، جبکہ صرف نومبر کے مہینے میں آئی ٹی برآمدات 356 ملین ڈالر ریکارڈ کی گئیں۔حکام کے مطابق ایس آئی ایف سی کی مؤثر لیسیوں اور سہولت کاری کی بدولت آئی ٹی سیکٹر میں تیز رفتار ترقی ممکن ہوئی، جس سے عالمی سرمایہ کاروں کا اعتماد بھی بحال ہوا ہے۔ماہرین کا کہنا ہے کہ آئی ٹی برآمدات میں اضافہ نہ صرف قیمتی زرمبادلہ حاصل کرنے کا ذریعہ ہے بلکہ اس سے روزگار کے نئے مواقع پیدا ہو رہے ہیں، ڈیجیٹل خودمختاری مضبوط ہو رہی ہے اور ملکی معیشت استحکام کی جانب بڑھ رہی ہے۔
