حکومت نے ملک بھر میں میٹرک کی سطح پر تعلیمی ڈھانچے کو وسعت دینے کا فیصلہ کرتے ہوئے دو نئے تعلیمی گروپس شامل کرنے کا اعلان کیا ہے۔ سائنس، کامرس اور کمپیوٹر سائنس کے ساتھ اب میٹرک میں ٹیکنیکل اور زراعت کے مضامین بھی پڑھائے جائیں گے ان نئے تعلیمی گروپس کے نفاذ کے لیے انٹر بورڈ کمیٹی آف چیئرمین (IBCC) کا مشاورتی اجلاس 23 دسمبر کو اسلام آباد میں طلب کیا گیا ہے، جس میں مضامین کی گروہ بندی، میٹرک کے بعد اعلیٰ تعلیم کے متبادل راستوں اور مساوات کے امور پر غور کیا جائے گا۔ اجلاس میں انٹر کی سطح پر پری میڈیکل اور پری انجینئرنگ گروپس میں داخلے کی اہلیت، میٹر
ک ک
ے متبادل مضامین کی مساوات، غیر ملکی تعلیمی اسناد کی توثیق، جنرل اور ووکیشنل تعلیم سے متعلق معاملات پر بھی مشاورت کی جائے گی اس کے علاوہ میٹرک ٹیکنیکل اور زراعت کے طلبہ کے لیے میڈیکل اور انجینئرنگ میں داخلے کے امکانات پر بھی غور ہوگا۔ تعلیمی اصلاحات کو مزید مؤثر بنانے کے لیے قومی سطح پر ایک ورکنگ گروپ قائم کرنے کی تجویز بھی اجلاس کے ایجنڈے میں شامل ہے۔
