وزیر اعظم کے مشیر رانا ثناء اللہ نے کہا ہے کہ ایک ملاقات کے دوران سابق آرمی چیف جنرل(ر) قمر جاوید باجوہ نے سابق ڈی جی آئی ایس آئی فیصل حمید کو کہا کہ رانا بہت موٹا ہو گیا ہے اور اسے دوبارہ اسمارٹ بنایا جائے۔رانا ثناء اللہ نے ایک انٹرویو میں دعویٰ کیا کہ پی ٹی آئی کے بانی عمران خان کے دور میں معاملات فیصل حمید، جنرل(ر) باجوہ اور عمران خان کی منظوری سے چل رہے تھے۔ انہوں نے کہا کہ ایسا نہیں ہو سکتا کہ کوئی حاضر سروس آفیسر آرمی چیف کی مرضی کے بغیر جھوٹا کیس بنائے اور اگلے دن اس کا کورٹ مارشل نہ ہو۔رانا ثناء اللہ نے کہا کہ ایک بریفنگ کے دوران جنرل باجوہ اور فیصل حمید سے بات چیت ہوئی، جس میں جنرل باجوہ نے کہا کہ رانا بہت موٹا ہو گیا ہے، جیل میں بہت اسمارٹ تھا، فیصل، رانا صاحب کو دوبارہ اسمارٹ بناؤ۔ اس پر رانا ثناء اللہ نے کہا کہ میرے اوپر کیس آپ ہی بنائیں، اللہ دنیا میں اس کا حساب ضرور لے گا۔
انہوں نے مزید کہا کہ معاملات فیصل حمید، جنرل باجوہ اور عمران خان کی منظوری سے چل رہے تھے اور ایسا نہیں ہو سکتا کہ کوئی حاضر سروس آفیسر آرمی چیف کی مرضی کے بغیر جھوٹا کیس بنائے اور اگلے دن اس کا کورٹ مارشل نہ ہو۔
