دفاعی وزیر خواجہ آصف نے کہا ہے کہ فیض حمید اور پاکستان تحریک انصاف (پی ٹی آئی) کے بانی ایک دوسرے کے شراکت دار رہے ہیں اور مل کر ملک کو نقصان پہنچایا۔انہوں نے کہا کہ فوج میں پہلی بار اپنی ہی دفاتر کو سزا دی گئی، جبکہ فیض حمید کے خلاف بھی کئی الزامات موجود ہیں جن پر کارروائی کی جائے گی۔ دفاعی وزیر نے کہا کہ پی ٹی آئی بانی کا پروجیکٹ 10 سے 12 سال قبل شروع ہوا، اور نواز شریف کو سازش کے تحت اقتدار سے نکالا گیا تھا۔خواجہ آصف نے کہا کہ فیض حمید اور پی ٹی آئی کے بانی نے چار سال تک ملک کو نقصان پہنچایا، اور فیض حمید کی قیادت میں پی ٹی آئی بانی اقتدار میں آیا اور اپنے دور میں تمام مخالفین کو جیل میں ڈال دیا۔انہوں نے مزید الزام لگایا کہ 9 مئی کے واقعات کے پیچھے فیض حمید کا ذہن تھا، اور آج بھی سازشی عناصر پی ٹی آئی بانی کو دوبارہ لانے کی کوشش کر رہے ہیں۔ دفاعی وزیر نے کہا کہ پاکستان کے دشمنوں کا سخت احتساب کیا جائے گا، اور اقتدار کے لیے ملک کو نقصان پہنچانے والوں کو نہیں چھوڑا جائے گا۔خواجہ آصف نے کہا کہ اگر پی ٹی آئی بانی اور فیض حمید کا یہ گٹھ جوڑ قائم رہتا، تو آج ملک مکمل طور پر تباہ ہو چکا ہوتا۔ انہوں نے کہا کہ پی ٹی آئی بانی کی قیادت طالبان کو سہولت دے رہی ہے۔
انہوں نے کہا کہ مغربی سرحد پر جو صورتحال ہے، اس میں بھارت کا ہاتھ ہے، جبکہ فیلڈ مارشل کی قیادت میں پاکستان کو دنیا میں عزت ملی ہے اور امریکہ سمیت پوری دنیا میں پاک فوج کو بھرپور پذیرائی ملی ہے۔
