سعودی عرب کے جدہ میں واقع کنگ عبدالعزیز انٹرنیشنل ایئرپورٹ پر گزشتہ ماہ مسافروں کی تعداد میں غیرمعمولی اضافہ ریکارڈ کیا گیا ہے سعودی خبر رساں ادارے کے مطابق نومبر 2024 کے مقابلے میں نومبر 2025 میں مسافروں کی تعداد 8.6 فیصد جبکہ فلائٹ آپریشن 10.6 فیصد زیادہ رہا اعداد و شمار کے مطابق گزشتہ ماہ ایئرپورٹ سے 4.86 ملین مسافروں نے سفر کیا جبکہ 25.9 ہزار پروازیں آپریٹ ہوئیں 20 نومبر 2025 کو ایک دن میں سب سے زیادہ 1 لاکھ 76 ہزار سے زائد مسافروں کا ریکارڈ بھی قائم ہوا
ایئرپورٹ کو گزشتہ 11 ماہ میں استعمال کرنے والے مسافروں کی مجموعی تعداد 48 ملین رہی جو گزشتہ سال کے مقابلے میں 8.9 فیصد اضافہ ہے، جبکہ مجموعی پروازیں 2 لاکھ 73 ہزار سے تجاوز کر گئیں، جن میں 8.2 فیصد اضافہ ریکارڈ ہوا واضح رہے کہ کنگ عبدالعزیز انٹرنیشنل ایئرپورٹ نے سال 2024 میں سعودی ایئرپورٹس میں سب سے زیادہ 94.1 ملین مسافروں کو خدمات فراہم کرکے ایک تاریخی سنگ میل حاصل کیا تھا سعودی عرب کی قومی سیاحت کی حکمت عملی کے مطابق مملکت 2030 تک 150 ملین سیاحوں کو راغب کرنے اور جی ڈی پی میں سیاحت کا حصہ 6 فیصد سے بڑھا کر 10 فیصد تک پہنچانے کا ہدف رکھتی ہے۔
