سندھ حکومت نے صوبے بھر میں گندم کاشت کاروں کی تصدیق کے لیے ’سندھ ویٹ گروورز سپورٹ پروگرام 2025‘ کے تحت ویریفکیشن سروے کا آغاز کر دیا ہےمحکمہ زراعت سندھ نے باقاعدہ نوٹیفکیشن جاری کرتے ہوئے بتایا کہ سروے کا سلسلہ 3 دسمبر سے پورے صوبے میں شروع ہو چکا ہےسرکاری اعلامیے کے مطابق سروے ٹیمیں مختلف اضلاع میں پہنچ کر کاشتکاروں کے فراہم کردہ اعداد و شمار، زیرِ کاشت رقبے اور زرعی سرگرمیوں کا براہِ راست جائزہ لے رہی ہیں۔ کئی اضلاع میں ابتدائی ڈیٹا اکٹھا کرنے کا عمل بھی شروع ہو چکا ہے۔ اس سال سروے کو گزشتہ برسوں کی نسبت زیادہ منظم، مؤثر اور تیز رفتار بنانے کے لیے اضافی عملہ تعینات کیا گیا ہے تاکہ کہیں بھی تاخیر نہ ہومحکمہ زراعت کا کہنا ہے کہ اس تصدیقی عمل کا بنیادی مقصد یہ یقینی بنانا ہے کہ صوبے میں موجود اصل اور فعال گندم کاشت کاروں کی درست نشاندہی ہو سکے اور حکومتی مراعات و سبسڈیز صرف اُن ہی افراد تک پہنچیں جو حقیقی معنوں میں گندم کی کاشت کرتے ہیں گزشتہ سال جعلی کلیمز سامنے آنے کے بعد اس بار نظام کو مزید سخت کیا گیا ہے۔ پہلی مرتبہ ڈیجیٹل فارم متعارف کرایا جا رہا ہے جس کے ذریعے موقع پر حاصل ہونے والا ڈیٹا فوری مرکزی سرور میں منتقل ہو جائے گا، جس سے ڈیٹا میں ہیرا پھیری کے امکانات ختم ہو جائیں گے سروے کے دوران جانچ کیے جانے والے نکات زیرِ کاشت رقبے کا براہِ راست معائنہ ڈی اے پی کھاد کی خریداری کی انوائس کی تصدیق کاشتکار کے شناختی اور زرعی ریکارڈ کا جائزہ مقامی زراعت افسران کی معاونت پانی کی دستیابی، بیج کے معیار اور زرعی سرگرمیوں کا ریکارڈ محکمہ زراعت نے کسانوں سے اپیل کی ہے کہ وہ سروے ٹیموں سے مکمل تعاون کریں اور ڈی اے پی انوائس، شناختی کارڈ، زمین کا ریکارڈ یا کاشت کا ثبوت اپنے پاس رکھیں تاکہ موقع پر کسی پریشانی کا سامنا نہ ہو۔ غلط معلومات فراہم کرنے یا عدم تعاون کی صورت میں سبسڈی کلیم مسترد ہو سکتا ہے اور آئندہ زرعی پروگراموں میں بھی مشکلات پیش آ سکتی ہیں مزید کہا گیا ہے کہ اس مرتبہ سروے کے ذریعے حاصل ہونے والے ڈیٹا کو آئندہ سال کی زرعی منصوبہ بندی کے لیے استعمال کیا جائے گا۔ حکومت سندھ کے مطابق شفافیت درست معلومات اور اصل کاشتکار تک رسائی اس پروگرام کی اولین ترجیح ہےہیلپ لائن نمبر: 0311-1646111مزید معلومات کے لیے قریبی ایگری کلچر ایکسٹینشن آفس سے بھی رابطہ کیا جا سکتا ہے
