روہڑی کے قریب نیو یارڈ کالونی میں پولیس کا مقابلہ ڈاکوؤں سے ہوا، جس دوران فائرنگ کے تبادلے میں پولیس کانسٹیبل جهانگزیب جتوئی گولیاں لگنے سے شہید ہو گئے۔شہید کی لاش اسپتال منتقل کی گئی، جہاں ان کے لواحقین اور شہریوں کی بڑی تعداد موجود تھی۔شہید کانسٹیبل جهانگزیب جتوئی کی نماز جنازہ پولیس لائن ہیڈکوارٹر سکھر میں بڑے ادب، احترام اور سرکاری اعزاز کے ساتھ ادا کی گئی۔ اس موقع پر شہید کے درجات کی بلندی اور لواحقین کے صبر کے لیے اجتماعی دعا بھی کی گئی۔نماز جنازہ میں ڈی آئی جی سکھر رینج کیپٹن (ر) فیصل عبد اللہ چاچڑ، ایس ایس پی سکھر اظهر خان، ایس ایس پی سی ٹی ڈی قدوس کلوڑ اور دیگر پولیس افسران، صحافی، سیاسی و سماجی شخصیات نے شرکت کی۔یاد رہے کہ گذشتہ رات تھانہ روہڑی کی حدود میں نیو یارڈ ریلوی پھاٹک کے قریب ڈاکوؤں سے مقابلے کے دوران جهانگزیب جتوئی شہید ہوئے تھے۔ سرکاری اعزاز کے طور پر شہید کی جسد خاکی کو سکھر پولیس کی چاک چوبند دستہ سلامی پیش کی گئی اور لاش کو پاکستان اور سندھ پولیس کے جھنڈے میں لپیٹا گیا۔ڈی آئی جی سکھر رینج نے کہا کہ امن قائم رکھنے کے لیے اپنی جانیں قربان کرنے والے پولیس افسر اور جوان ہمارا فخر ہیں اور شہید کی قربانی رائیگان نہیں جائے گی۔ ایس ایس پی سکھر نے کہا کہ پولیس کے حوصلے بلند ہیں اور ڈاکوؤں کے خلاف کارروائی آخری ملزم کی گرفتاری تک جاری رہے گی۔ نماز جنازہ کے بعد شہید کو ان کے آبائی گاؤں منتقل کر کے مکمل سرکاری اعزاز کے ساتھ تدفین کی گئی۔
