پاکستان میں سونے کی قیمتوں میں ایک بار پھر بڑا اضافہ دیکھا گیا ہے اور فی تولہ سونا 4 لاکھ 40 ہزار روپے کی حد عبور کرتے ہوئے 4 لاکھ 44 ہزار 162 روپے کا ہوگیا ہے۔ آل پاکستان جمز اینڈ جیولرز ایسوسی ایشن کے مطابق آج فی تولہ سونے میں 5300 روپے کا نمایاں اضافہ ریکارڈ کیا گیا 10 گرام سونے کی قیمت میں بھی 4544 روپے اضافہ ہوا، جس کے بعد اس کے نئے نرخ 3 لاکھ 80 ہزار 797 روپے ہوگئے عالمی مارکیٹ میں بھی سونے کی قیمت بڑھ گئی ہے، جہاں فی اونس سونا 53 ڈالر اضافے کے ساتھ 4218 ڈالر پر پہنچ گیا۔ خیال رہے کہ گزشتہ دو روز سے سونے کی قیمتیں مستحکم تھیں
ماہرین کا کہنا ہے کہ سونا روایتی طور پر محفوظ سرمایہ کاری سمجھا جاتا ہے، خصوصاً ایسے وقت میں جب مہنگائی، سیاسی بے یقینی یا معاشی عدم استحکام بڑھ جائے۔ تاریخی طور پر بھی سونا دولت اور کرنسی کا انتہائی قابلِ اعتماد ذریعہ رہا ہے گزشتہ برس پاکستان میں سونے کی قیمت طے کرنے کے طریقۂ کار میں تبدیلی کی گئی تھی، جس کے تحت اب سونے کی قیمت عالمی مارکیٹ ریٹ سے فی اونس 20 ڈالر زائد مقرر کی جاتی ہے۔
