سکھر پولیس نے بڑی اور اہم کارروائی کرتے ہوئے مردہ جانوروں کا گوشت سپلائی کرنے والے گروہ کے خلاف کارروائی کی ہے ایس ایس پی سکھر اظہر خان کے احکامات پر اے ایس پی سٹی کیپٹن (ر) صہیب امین کی سربراہی میں 15 مددگار انچارج عبید رحمان داریجو اور ٹیم نے تھانہ بی سیکشن کی حدود پاک کالونی میں موجود گودام پر چھاپہ مارا چھاپے کے دوران گودام سے بڑی مقدار میں بدبو دار، ناقص اور مضر صحت مردہ جانوروں کا گوشت برآمد کیا گیا جبکہ 3 ملزمان کو گرفتار کرلیا گیا پولیس کے مطابق ملزمان کافی عرصے سے مردہ جانوروں کا گوشت خرید کر سکھر شہر کے مختلف علاقوں میں سپلائی کرتے تھے، جس سے شہریوں کی صحت کو شدید خطرات لاحق تھے ملزمان کے خلاف قانونی کارروائی شروع کردی گئی ہے جبکہ مزید تفتیش بھی جاری ہے
ایس ایس پی سکھر اظہر خان نے کارروائی میں حصہ لینے والی ٹیم کی تعریف کرتے ہوئے کہا کہ عوام کی صحت سے کھیلنے والوں کو کسی صورت داشت نہیں کیا جائے گا، اور مضر صحت خوراک و غیر معیاری اشیاء فروخت کرنے والوں کے خلاف سخت ایکشن جاری رہے گا۔
