سندھ کے ضلع جیکب آباد میں ایک افسوسناک واقعہ سامنے آیا ہے جہاں ایک باپ نے اپنی بیٹی کو 6 لاکھ روپے میں فروخت کردیا۔ پولیس کے مطابق متاثرہ خاتون کے والد نے اسے کراچی سے گاؤں کھنڈو جتوئی لے جاکر مبینہ طور پر لونگ مرہٹو نامی شخص کے ہاتھ چھ لاکھ روپے میں بیچ دیا
پولیس کا کہنا ہے کہ خاتون موقع ملنے پر وہاں سے نکل کر تھانے پہنچ گئی اور تحفظ کے ساتھ انصاف کی درخواست کی۔ واقعہ سامنے آنے کے بعد پولیس نے تفتیش شروع کردی ہے جبکہ ملزمان کی تلاش جاری ہےجیکب آباد سندھ کا ایک پسماندہ علاقہ ہے جہاں غربت، جہالت اور سماجی جبر کی وجہ سے اس نوعیت کے واقعات ماضی میں بھی رپورٹ ہو چکے ہیں2017 میں بھی ایک باپ نے اپنی 10 سالہ بیٹی کو غربت اور سماجی دباؤ کے باعث شادی کے نام پر “فروخت” کیا تھااسی طرح 2019 میں جیکب آباد کے قریب بادنی بھٹو گاؤں میں ایک 20 سالہ لڑکی کو 2.7 لاکھ روپے میں بیچنے کا معاملہ سامنے آیا تھا، جس پر انسانی حقوق کی تنظیموں نے شدید احتجاج کیا تھا تازہ واقعہ ایک بار پھر علاقے میں خواتین کے استحصال، غربت اور کمزور قانونی عملدرآمد پر سوالات کھڑے کرتا ہے۔
