اسلام آباد میں اسٹامپ پیپرز کی فیس قومی خزانے میں جمع نہ کرانے کا بڑا انکشاف ہوا ہے۔ وفاقی تحقیقاتی ایجنسی (ایف آئی اے) کے مطابق 29 کروڑ 70 لاکھ روپے مالیت کے جعلی اسٹامپ پیپرز جاری کیے گئے ایف آئی اے نے وفاقی ٹیکس محتسب (FTO) کے 71 ملازمین کے خلاف مقدمہ درج کر لیا ہے۔ ایف آئی اے کی ٹیم نے وفاقی ٹیکس محتسب کے دفتر پر چھاپہ مار کر اہم ریکارڈ قبضے میں لے لیا، جبکہ کارروائی کے دوران 20 ملازمین کو گرفتار کیا گیا جن میں 9 سرکاری اہلکار بھی شامل ہیں ترجمان ایف آئی اے کا کہنا ہے کہ ملزمان نے فیڈرل ٹیکس آفس کے افسران و اہلکاروں کی ملی بھگت سے کروڑوں کی کرپشن کی۔ ملزمان جعلی چالان فارم کے ذریعے اسٹامپ پیپرز، کورٹ فیس اور فارن بلز غیر قانونی طور پر جاری کرتے رہے ترجمان کے مطابق ملزمان نے سرکاری خزانے میں مقررہ فیس جمع کرائے بغیر مالی فوائد حاصل کیے اور اپنے عہدوں کا ناجائز استعمال کرتے ہوئے قومی خزانے کو بھاری نقصان پہنچایا۔ ایف آئی اے نے ایف ٹی او آفس کے گزشتہ 10 سال کا فرانزک آڈٹ کرانے کا فیصلہ بھی کرلیا ہے۔
