خیرپور مہران ہائی وے پر افسوسناک ٹریفک حادثہ پیش آیا، جہاں تیز رفتار ٹریلر نے موٹر سائیکل سوار فیملی کو کچل ڈالا۔ حادثے کے نتیجے میں ماں اور تین بچے جاں بحق جبکہ ایک شخص زخمی ہوگیاتفصیلات کے مطابق حادثہ فیض گنج کےعلاقے کوٹ لالو کے مقام پر پیش آیا۔ پولیس کے مطابق جاں بحق ہونے والوں میں 4 سالہ رحیم، 6 سالہ اکرم، 7 سالہ شیراز اور ان کی والدہ امیراں خاتون شامل ہیںحادثے کے بعد لاشوں اور زخمی کو قریبی اسپتال منتقل کردیا گیا۔ پولیس کا کہنا ہے کہ واقعہ تیز رفتاری کے باعث پیش آیا جبکہ مزید تحقیقات جاری ہیں۔
