اسلام آباد کی ڈسٹرکٹ اینڈ سیشن کورٹ نے شراب اور اسلحہ برآمدگی کیس میں سابق وزیراعلیٰ علی امین گنڈا پور کو گرفتار کرکے پیش کرنے کا حکم دے دیا۔ کیس کی سماعت جوڈیشل مجسٹریٹ مبشر حسن چشتی نے کی، تاہم علی امین گنڈا پور آج بھی عدالت میں پیش نہ ہوئے جس پر عدالت نے برہمی کا اظہار کرتے ہوئے ان کے ناقابلِ ضمانت وارنٹ گرفتاری جاری کر دیے۔ ذرائع کے مطابق علی امین کی مسلسل غیر حاضری کے باعث یہ فیصلہ کیا گیا۔ عدالت نے کیس کی مزید سماعت 28 اکتوبر تک ملتوی کر دی۔ واضح رہے کہ سابق وزیراعلیٰ کے خلاف تھانہ بارہ کہو میں شراب اور اسلحہ برآمدگی کا مقدمہ درج ہے۔
