واشنگٹن : وزیر خزانہ محمداور نگزیب نے ایم ڈی آئی ایم ایف کرسٹالینا جارجیوا سے ملاقات میں اسٹاف لیول معاہدے پر اطمینان کا اظہار کیا۔تفصیلات کے مطابق وزیر خزانہ محمد اورنگزیب نے عالمی مالیاتی فنڈ (آئی ایم ایف) کی منیجنگ ڈائریکٹر کرسٹالینا جارجیوا سے ملاقات کی ملاقات میں مشرقِ وسطیٰ، شمالی افریقہ اور افغانستان کے وزرائے خزانہ و گورنرز بھی شریک تھے وزیر خزانہ محمد اورنگزیب نے بطور لیڈ اسپیکر اجلاس کے شرکا سے خطاب کیا اور پاکستان میں معاشی استحکام کے لیے جاری حکومتی اقدامات اور کامیاب کوششوں سے آگاہ کیا انہوں نے کہا کہ پاکستان نے مشکل معاشی حالات کے باوجود پائیدار استحکام کے لیے مثبت اقدامات کیے ہیں محمد اورنگزیب نے آئی ایم ایف سے طے پانے والے اسٹاف لیول معاہدے پر اطمینان کا اظہار کرتے ہوئے کہا حکومت ٹیکس اصلاحات، توانائی کے شعبے میں بہتری، ریاستی ملکیتی اداروں کی تنظیمِ نو اور نجکاری کے عمل کو مزید تیز کرنے کے لیے پرعزم ہے انہوں نے ڈیجیٹل ٹرانسفارمیشن اور ٹیرف پالیسی سے متعلق حکومتی اقدامات کو بھی اجاگر کیا، جن سے معاشی شفافیت اور کارکردگی میں اضافہ ہوا ہے وزیر خزانہ نے غیرملکی سرمایہ کاروں کو معدنیات، کان کنی، ڈیجیٹل انفراسٹرکچر، زراعت، تیل و گیس اور فارماسیوٹیکلز کے شعبوں میں سرمایہ کاری کی دعوت دی۔
