سیکیورٹی فورسز نے خیبر پختونخوا کے ضلع اورکزئی میں انٹیلی جنس بیسڈ آپریشن کرتے ہوئے بھارتی سرپرست 19 خوارج کو ہلاک کر دیا۔ تاہم شدید فائرنگ کے تبادلے میں لیفٹیننٹ کرنل، میجر اور 11 جوان شہید ہو گئے.آئی ایس پی آر کے مطابق، 7 اور 8 اکتوبر 2025 کی شب ضلع اورکزئی میں خفیہ معلومات کی بنیاد پر آپریشن کیا گیا، جہاں بھارتی سرپرستی میں کام کرنے والے فتنہ الخوارج کی موجودگی کی اطلاع تھی۔آپریشن کے دوران راولپنڈی کے 39 سالہ لیفٹیننٹ کرنل جنید عارف اور ان کے سیکنڈ ان کمانڈ راولپنڈی کے 33 سالہ میجر طیب راحت بہادری سے اپنے اہلکاروں کی قیادت کرتے ہوئے دوسرے 9 ساتھیوں سمیت شہید ہوئے۔شہید ہونے والے دیگر جوانوں میں شامل ہیں:
نائب صوبیدار اعظم گل (ضلع خیبر، عمر 38 سال)
نائیک عادل حسین (ضلع کرم، عمر 35 سال)
نائیک گل امیر (ضلع ٹانک، عمر 34 سال)
لانس نائیک شیر خان (ضلع مردان، عمر 31 سال)
لانس نائیک تالش فراز (مانسہرہ، عمر 32 سال)
لانس نائیک ارشاد حسین (ضلع کرم، عمر 32 سال)
سپاہی طفیل خان (مالاکنڈ)
سپاہی عاقب علی (صوابی)
سپاہی محمد زاہد (کرم)
آئی ایس پی آر کے مطابق علاقے میں ممکنہ بھارتی اسپانسرڈ خوارج کو ختم کرنے کے لیے سینیٹائزیشن آپریشن بھی جاری ہے۔
سیکیورٹی فورسز ملک سے بھارتی اسپانسرڈ دہشت گردی کی لعنت کو ختم کرنے کے لیے پرعزم ہیں اور بہادر جوانوں کی قربانیاں پاکستان کے عزم کو مزید مضبوط کرتی ہیں۔
