سابق سینیٹر مشتاق احمد خان نے اپنا موبائل فون سمندر میں پھینک دیا،سابق پاکستانی سینیٹر مشتاق احمد خان نے بدھ کو اپنے موبائل فون کو بحیرہ روم میں پھینک دیا۔ ایکس (سابقہ ٹوئٹر) پر شیئر کی گئی ویڈیو میں وہ بتاتے دکھائی دیے کہ وہ امدادی ساز و سامان اور ادویات لیکر غزہ کی طرف رواں دواں گلوبل صمود فلوٹیلا پر موجود ہیں،مشتاق احمد خان نے کہا کہ دور میں اسرائیلی بحری جہاز نظر آ رہے ہیں اور شبہی طور پر آج رات کسی کارروائی کا خدشہ ہے، اسی لیے فلوٹیلا کے شرکاء نے حفاظتی جیکٹس پہن لی ہیں اور ہنگامی حالات سے نمٹنے کی تیاری کر لی ہے۔ انہوں نے اطلاع دی کہ اسرائیل نے ان کا موبائل فون بند کر دیا ہے اور گزشتہ 36 گھنٹوں سے وہ کسی سے رابطہ نہیں کر سکے،مشتاق احمد خان نے زور دے کر کہا کہ “اسرائیل میرا فون جام کر سکتا ہے مگر غزہ کی جانب ہماری روانگی کو نہیں روک سکتا” — اور یہ کہتے ہوئے انہوں نے اپنا فون سمندر میں پھینک دیا۔ ویڈیو سوشل میڈیا پر وائرل ہو رہی ہے،انہوں نے مزید کہا کہ چاہے ہمیں سمندر میں مچھلیوں کی خوراک بننا پڑے یا اسرائیلی ڈرونز کا نشانہ بننا پڑے، ہم اپنی مہم جاری رکھیں گے.
