برطانیہ، فرانس، آسٹریلیا اور کینیڈا کے بعد پرتگال نے بھی فلسطین کو ریاست تسلیم کرنے کا اعلان کردیا ہے۔رائٹرز کے مطابق پرتگال کی وزارتِ خارجہ نے کہا ہے کہ 21 ستمبر کو فلسطین کو ریاست تسلیم کرنے کا باضابطہ اعلان کیا جائے گا۔ توقع ہے کہ رواں ماہ اقوام متحدہ کی جنرل اسمبلی کے اجلاس میں کئی دیگر ممالک بھی اسی نوعیت کے فیصلے کریں گے۔پرتگال کے وزیرِ خارجہ نے حالیہ برطانیہ کے دورے کے دوران عندیہ دیا تھا کہ ان کا ملک فلسطینی ریاست کو تسلیم کرنے پر غور کر رہا ہے، تاہم اب وزارتِ خارجہ نے باضابطہ اعلان کردیا ہے۔خیال رہے کہ پرتگال اس معاملے پر یورپی یونین کے اندر طویل عرصے تک محتاط رویہ اپنائے ہوئے تھا اور مشترکہ موقف اختیار کرنے پر زور دیتا رہا ہے۔
