ڈی جی پاسپورٹس مصطفی جمال قاضی نے شہریوں کے لیے خوشخبری سناتے ہوئے کہا ہے کہ پاکستان میں تمام شہریوں کے پاسپورٹ بیگ لاک کو صفر کر دیا گیا ہے۔تفصیلات کے مطابق پاکستان میں تعینات بنگلادیش کے ہائی کمشنر اقبال حسین نے پاسپورٹ ہیڈکوارٹرز کا دورہ کیا، جہاں انہوں نے مختلف سیکشنز کا معائنہ کیا اور پاسپورٹ پروڈکشن کے عمل کا جائزہ لیا۔ڈی جی پاسپورٹس مصطفی جمال قاضی نے ہائی کمشنر کو جدید پاسپورٹ لیمی نیشن، سیکیورٹی فیچرز اور اوورسیز پاکستانیوں کے لیے فراہم کی جانے والی آسان آن لائن سروسز کے حوالے سے تفصیلی بریفنگ دی۔مصطفی جمال قاضی نے بتایا کہ پاکستان سمیت دنیا بھر میں پاسپورٹ بیگ لاک کو صفر کر دیا گیا ہے، جو محکمہ کی ایک بڑی کامیابی ہے۔بنگلادیشی ہائی کمشنر نے جدید پروڈکشن سہولتوں اور اوورسیز پاکستانیوں کے لیے محکمہ جاتی اصلاحات کو سراہا اور پاسپورٹ پروڈکشن میں آرٹیفیشل انٹیلیجنس کے استعمال میں دلچسپی کا اظہار کیا۔ انہوں نے کہا کہ قلیل مدت میں پاسپورٹ بیگ لاک کو صفر کرنا پاکستان کے جدید نظام کی عکاسی کرتا ہے۔
