بھارت کی ریاست آندھرا پردیش کے ضلع چتور کے علاقے پنگنور میں ایک نجی اسکول کے ہندی ٹیچر پر تشدد کا سنگین واقعہ سامنے آیا ہے۔ میڈیا رپورٹس کے مطابق 11 سالہ چھٹی جماعت کی طالبہ ستویکا ناگاشری کے سر پر اسکول بیگ مارنے سے کھوپڑی میں فریکچر ہوگیا۔واقعہ 10 ستمبر کو پیش آیا اور والدین و مقامی کمیونٹی میں شدید تشویش کا سبب بنا۔ پولیس کے مطابق ٹیچر نے کلاس میں بدتمیزی کرنے پر سزا کے طور پر طالبہ کے سر پر اسکول بیگ مارا۔ستویکا کی والدہ بھی اسی اسکول میں کام کرتی ہیں اور ابتدائی طور پر اس واقعے کو معمول کی تادیبی کارروائی سمجھ کر زیادہ توجہ نہیں دیں۔ تاہم، کچھ دنوں بعد ستویکا کو مسلسل سر درد رہنے لگا اور وہ تین دن تک اسکول نہیں جا سکی۔
واقعے کے بعد مقامی پولیس نے ٹیچر کے خلاف مقدمہ درج کر لیا ہے اور تحقیقات شروع کر دی گئی ہیں۔
