جاپان میں جاری ورلڈ ایتھلیٹکس چیمپئن شپ کے 20 ویں ایڈیشن میں جیولن تھرو مقابلے کا کوالیفائنگ راؤنڈ آج ہوگا، جس میں دنیا کے 37 جیولن تھرورز حصہ لیں گے۔
ورلڈ ایتھلیٹکس اور جاپان ایسوسی ایشن آف ایتھلیٹکس فیڈریشنز کے زیر اہتمام گروپ اے میں 19 جبکہ گروپ بی میں 18 تھرورز شامل ہیں۔ پاکستان کے ارشد ندیم کو مقابلوں میں ہارٹ فیورٹ قرار دیا گیا ہے۔رپورٹس کے مطابق اس مقابلے میں 90 میٹر سے زائد تھرو کرنے والے 8 اتھلیٹس بھی ایکشن میں ہوں گے۔ایشیا کپ کرکٹ کے سلسلے میں پاکستان اور آئی سی سی کے درمیان تناؤ برقرار ہے، پی سی بی نے معاملے پر آئی سی سی کو ایک اور خط لکھ دیا ہے تاکہ تنازعہ کے فوری حل کے اقدامات کیے جائیں۔دوسری جانب جاپان میں جاری ورلڈ ایتھلیٹکس چیمپئن شپ کے 20 ویں ایڈیشن میں جیولن تھرو کے کوالیفائنگ راؤنڈ کا آغاز آج ہوگا۔ دنیا بھر کے 37 جیولن تھرورز مقابلوں میں حصہ لیں گے۔ گروپ اے میں 19 جبکہ گروپ بی میں 18 ایتھلیٹس شامل ہیں۔پاکستان کے ارشد ندیم کو مقابلوں کے لیے ہارٹ فیورٹ قرار دیا گیا ہے۔ اب تک اینڈری سن پیٹرس 93.07، ارشد ندیم 92.97، جولین پینگو 92.72، جولین ویبر 91.51، لوئس مریکو ڈی سلوا 91 اور جیکب ویلڈچ 90.88 میٹر تھرو کر چکے ہیں۔ نیرج چوپڑا 90.23 میٹر تھرو کر چکے ہیں۔جنوبی ایشیا کے ایتھلیٹس میں ارشد ندیم، نیرج چوپڑا، سمیدھا رانا سنگھے، رمیش تھرنگا، روہت یادیو اور پش ویر سنگھ شامل ہیں۔ نیرج چوپڑا گروپ اے جبکہ ارشد ندیم گروپ بی میں حصہ لیں گے۔کوالیفائنگ راؤنڈ میں 84.50 میٹر تھرو کرنے والے اتھلیٹ براہِ راست فائنل کے لیے کوالیفائی کر جائیں گے، اور مجموعی طور پر 12 ایتھلیٹس فائنل کے لیے منتخب ہوں گے۔ گروپ اے کے مقابلے پاکستانی وقت کے مطابق سہ پہر 3:10 پر شروع ہوں گے، جبکہ گروپ بی کے مقابلے 4:45 پر ہوں گے۔ارشد ندیم نے قوم سے کامیابی کے لیے دعاؤں کی اپیل کی ہے اور امید ظاہر کی ہے کہ پاکستان کے لیے بہترین کارکردگی دکھائیں گے۔
