اسرائیلی فوج نے غزہ شہر میں زمینی کارروائیاں تیز کردی ہیں، جن میں تازہ حملوں کے نتیجے میں مزید 90 فلسطینی شہید ہوگئے ہیں۔بین الاقوامی خبر رساں ادارے کے مطابق کئی ہفتوں سے جاری فضائی بمباری کے بعد اسرائیلی فوج نے غزہ میں زمینی آپریشن کا آغاز کیا ہے۔ میڈیا رپورٹس کے مطابق کارروائیوں کے دوران متعدد عمارتیں تباہ بھی ہوگئیں۔ادھر اسرائیلی وزیراعظم نیتن یاہو نے کہا کہ اسرائیل غزہ میں فوجی جارحیت جاری رکھے گا اور شہریوں کو علاقے سے نکلنے کی ہدایت دی گئی ہے، تاہم حماس انہیں جانے سے روک رہی ہے۔نیتن یاہو نے مزید کہا کہ سات اکتوبر 2023ء کو حماس کے حملے کے تجربات نے ثابت کیا ہے کہ ایک آزاد ہتھیار ساز صنعت قائم کرنے کی ضرورت ہے تاکہ بین الاقوامی پابندیوں کے باوجود اسرائیلی فوج اپنی کارروائیوں میں ثابت قدم رہ سکے۔
