پاکستان کرکٹ بورڈ (پی سی بی) نے ایشیا کپ 2025 سے متعلق اہم پیش رفت کا اعلان کر دیا ہے۔ پی سی بی کے ترجمان کے مطابق ابھی کوئی حتمی فیصلہ نہیں کیا گیا اور مشاورت جاری ہے، تاہم کل تک فیصلہ کر لیا جائے گا۔ ترجمان نے کہا کہ فیصلہ پاکستان کے مفاد کو مدنظر رکھتے ہوئے کیا جائے گ ذرائع کے مطابق آئی سی سی نے پاکستان کے اعتراض پر میچ ریفری اینڈی کرافٹ کو ہٹا کر ان کی جگہ رچی رچرڈسن لگانے کی تجویز منظور کر لی۔ کرکٹ کے نگراں عالمی ادارے نے پاکستان کا مطالبہ تسلیم کرتے ہوئے میچ ریفری تبدیل کر دیا، جس کے بعد ایشیا کپ کا تنازع حل ہو گیا۔اس مثبت پیش رفت کے بعد پاکستان نے فیصلہ کیا ہے کہ وہ ایشیا کپ کے بقیہ میچز شیڈول کے مطابق کھیلے گا، جہاں وہ بدھ کو یو اے ای کے خلاف مدمقابل ہوگا۔ذرائع کے مطابق ایشیا کپ میں پاک بھارت میچ کے دوران ٹاس کے وقت اینڈی پائی کرافٹ نے پاکستان کے کپتان سلمان آغا سے کہا تھا کہ ٹاس کے موقع پر شیک ہینڈ نہیں ہوگا۔ اینڈی پائی کرافٹ نے پاکستانی میڈیا مینجر سے بھی کہا کہ یہ سب ریکارڈ نہ کیا جائے۔
میچ ریفری نے جان بوجھ کر ہاتھ ملانے سے روکا اور بھارت کے ساتھ مل کر کام کیا، جبکہ ٹاس کے وقت سلمان آغا کو مائیک بند کرنے کی ہدایت بھی دی گئی۔
