محکمہ موسمیات کے مطابق کراچی میں ہلکے سیاہ بادل چھائے ہوئے ہیں، سمندری ہوائیں بحال ہوچکی ہیں اور شہر کا موسم خوشگوار ہو گیا ہے۔ محکمہ موسمیات نے بتایا کہ شہر کے مختلف علاقوں میں صبح سویرے سے رم جھم جاری ہے، جس میں کلفٹن، ملیر، لانڈھی، گلشن حدید کے علاوہ سائٹ ایریا، گولیمار، گارڈن اور اطراف کے علاقے شامل ہیں۔ کراچی کا کم سے کم درجہ حرارت 26 ڈگری سینٹی گریڈ ریکارڈ کیا گیا ہے اور زیادہ سے زیادہ درجہ حرارت 33 ڈگری سینٹی گریڈ تک رہنے کا امکان ہے۔ ہوا میں نمی کا تناسب 92 فیصد ہے اور جنوب مغرب سے ہوائیں 11 کلومیٹر فی گھنٹہ کی رفتار سے چل رہی ہیں۔ شہرمیں تیز بارش کا امکان نہیں ہےواضح رہے کہ گزشتہ روز شدید بارش کی پیش گوئی کے پیش نظر الرٹ جاری کیا گیا تھا، جس میں بڑے شہروں کے ندی نالوں میں طغیانی کا خطرہ ظاہر کیا گیا تھا۔ پنجاب ڈیزاسٹر مینجمنٹ اتھارٹی (پی ڈی ایم اے) کے مطابق مون سون بارشوں کا 11واں اسپیل آج سے شروع ہوگا جو 19 ستمبر تک جاری رہے گا۔
