ریلوے ذرائع کے مطابق، ایک ٹرین حادثہ ڈرائیور کی تیز رفتاری کی وجہ سے پیش آیا، جس کے نتیجے میں انجن اور دو بوگیاں پٹری سے اتر گئیں۔ حادثے میں چار افراد زخمی ہوئے ہیں جنہیں فوری طور پر ڈی ایچ کیو ہسپتال منتقل کر دیا گیا۔ اس حادثے کے بعد امدادی کارروائیاں تیزی سے شروع کی گئیں۔ ایک کرین کی مدد سے انجن کو واپس پٹری پر لایا گیا اور ٹریک کی بحالی کا کام بھی مکمل کر لیا گیا۔ بعدازاں، ریلوے انتظامیہ نے متاثرہ بوگیوں کو نئے انجن کے ساتھ جوڑ کر ٹرین کو ملتان کی طرف روانہ کر دیا۔
