تفصیلات کے مطابق محکمہ موسمیات نے کہا ہے کہ کراچی کا موسم آج بھی گرم اور مرطوب رہے گا، شہر میں وقفے وقفے سے تیز ہوائیں چلنے کا امکان ہے۔ دوسری طرف موسمیات کا یہ بھی کہنا ہے کہ اس وقت کراچی کا مطلع ابر آلود ہے اور ہواؤں کی رفتار کم ہونے سے حبس کی کیفیت محسوس کی جا رہی ہے۔ کراچی میں آج درجہ حرارت 37 ڈگری سینٹی گریڈ تک ریکارڈ کیا جا سکتا ہے، مغربی سمت سے 6 کلومیٹر فی گھنٹہ کی رفتار سے ہوا چل رہی ہے، جس میں نمی کا تناسب 30 فی صد ہے۔ محکمہ موسمیات کے مطابق کراچی میں 5 مئی سے شہر میں بادل برسیں گے، پیر کی شام کو کراچی میں گرج چمک کے ساتھ بارش متوقع ہے، اور بارش کا سلسلہ ایک سے دو روز تک جاری رہ سکتا ہے۔
