تفصیلات کے مطابق کراچی کے آسمان پر شہابِ ثاقب کا خوبصورت نظارہ دیکھا گیا ، اتوار اور پیر کی درمیانی شب آسمان پر اس خوبصورت نظارے کو شہریوں کی بڑی تعداد نے دیکھا اور اپنے کیمرے میں محفوظ کرلیا ، جس کے بعد ویڈیو سوشل میڈیا پر وائرل ہوگئی۔ شہاب ثاقب کے آسمان پر گزرتے ہوئے شب دو بجکر تینتالیس منٹ پر دیکھا گیا۔ واضح رہے کہ شہاب ثاقب در اصل عربی زبان کا لفظ ہے، شہاب کا معنیٰ ہے دہکتا ہوا شعلہ اور ثاقب کا معنیٰ سوراخ کرنے والا ہے۔ ماہرین کا کہنا ہے کہ لاکھوں شہاب ثاقب زمین کے گرد چکر لگاتے ہیں جنہیں عرف عام میں ’’شوٹنگ اسٹارز‘‘ کہا جاتا ہے۔ ماہرین فلکیات کے مطابق ایسے واقعات سالانہ یا باقاعدگی سے کچھ وقفوں سے ہوتے رہتے ہیں۔ مایرین کا کہنا بتانا ہے کہ شہاب ثاقب سیارچے کے ٹکڑے ہیں، جب یہ زمین کی فضاء میں داخل ہوتے ہیں، تو ان سے آکسیجن اور کشش ثقل کی وجہ سے جلتے دکھائی دیتے ہیں، اس سے پیدا ہونے والی روشنی انہیں دلکش اور جاذب نظر بناتی ہے۔ ناسا کے مطابق روزانہ 100 سے 300 ٹن خلائی مٹی اور چٹانیں زمین پر گرتی ہیں لیکن ان کا سائز عام طور پر ریت کے ایک دانے سے زیادہ نہیں ہوتا۔ دوسری طرف، شہاب ثاقب زمین کے لیے ایک اہم خطرہ بن سکتا ہے، جب بڑے سیارچے سیارے سے ٹکراتے ہیں، تو وہ تباہ کن اثرات پیدا کر سکتے ہیں۔
1
