تفصیلات کے مطابق کراچی تا خیبر ملک بھرمیں سردی کی لہر جاری ہے، محکمہ موسمیات کی جانب سے کہا گیا ہے کہ شہر قائد میں سردی کی شدت میں بڑھنے لگی، کم سے کم درجہ حرارت آٹھ ڈگری سینٹی گریڈ ریکارڈ کیا گیا۔ کراچی میں کم سے کم درجہ حرارت آٹھ ڈگری ریکارڈ کیا گیا، محکمہ موسمیات کے مطابق آئندہ کراچی میں کم سے کم درجہ حرارت سات سے نو ڈگری ہوسکتا ہے۔ محکمہ موسمیات کا کہنا تھا کہ کراچی میں رواں موسمِ سرما کی سرد ترین رات رہی، تاہم 9 جنوری سےسردی کی شدت میں معمولی کمی متوقع ہے۔ موسم کا حال بتانے والوں نے کہا کہ شہرمیں اس وقت موسم سرداورخشک ہے اور زیادہ سے زیادہ درجہ حرارت 26 ڈگری سینٹی گریڈ تک جانے کا امکان ہے، ہوا میں نمی کا تناسب 54 فیصد ہے جبکہ شمالی سمت سےہلکی رفتار سے ہوا چل رہی ہے۔ محکمہ موسمیات نے پیش گوئی کرتے ہوئے کہا آئندہ چند روز میں مغربی ہواوں کا سلسلہ بلوچستان میں داخل ہوگا ، جس کے باعث 12 جنوری سے سردی کی ایک اور لہر کراچی میں انٹری لے گی اور سردی کی شدت میں ایک بار پھر اضافے کا امکان ہے۔ گلگت بلتستان اورخیبر پختونخوا سمیت بالائی علاقوں میں برفباری اور یخ بستہ ہواوں نے سردی کی شدت بڑھا دی ہے، کالام میں درجہ حرارت منفی نو، استور میں منفی آٹھ، اسکردو، چترال اورہنزہ میں منفی چار ریکارڈ کیا گیا ہے۔ بلوچستان کے شمالی اضلاع میں بھی موسم شدید سرد ہے، زیارت میں درجہ حرارت منفی آٹھ اور کوئٹہ میں منفی سات ریکارڈ کیا گیا۔ محکمہ موسمیات کے مطابق ملک کے بیشترعلاقوں میں موسم سرد اورخشک رہے گا، پنجاب اوربالائی سندھ دھند کی لپیٹ میں رہیں گے۔
7
