تفصیلات کے مطابق سپریم کورٹ میں فون ٹپینگ کا 28 سال پرانا مقدمہ سماعت کیلئے مقرر کردیا گیا، جسٹس امین الدین کی سربراہی میں7رکنی آئینی بینچ 11 دسمبرکو سماعت کرے گا۔ فون ٹیپنگ کیلئے ڈیوائسزکی تنصیب کیخلاف 1996 سے مقدمہ زیر التو تھا۔ اس کے علاوہ 8 فروری کو ہونے والے عام انتخابات میں مبینہ دھاندلی سے متعلق عمران خان کی درخواست کی سماعت 11 دسمبر کو ہو گی۔چیف الیکشن کمشنر سکندر سلطان راجہ کی تقرری کے خلاف درخواست کی سماعت 11 دسمبر کو ہوگی، شہری محمود اختر نقوی کی جانب سے دائر کی گئی ہے جبکہ پریکٹس اینڈ پروسیجر آرڈیننس کے خلاف درخواستوں کی سماعت 12 دسمبر کو ہونے والی ہے۔
