پاکستان اور آسٹریلیا کے مابین دوسرا ٹی ٹوئنٹی میچ آج سڈنی میں کھیلا جارہا ہے، میزبان ٹیم کو تین میچز کی سیریز میں 1-0 کی برتری حاصل ہے۔ آسٹریلیا کے خلاف آج دوسرے میچ میں قومی کرکٹ ٹیم میں ایک تبدیلی کی گئی ہے، حسیب اللہ کی جگہ سفیان مقیم کو ٹیم میں شامل کیا گیا ہے۔ اس کے علاوہ ٹیم میں بابر اعظم، محمد رضوان، صاحبزادہ فرحان، عثمان خان، سلمان علی آغا، عرفان خان ٹیم میں شامل ہیں جبکہ عباس آفریدی، نسیم شاہ، شاہین آفریدی اور حارث رؤف بھی ٹیم کا حصہ ہیں۔ یاد رہے کہ پہلے ٹی ٹوئنٹی میچ میں آسٹریلیا نے میکسویل کی شاندار اننگز کی بدولت کامیابی حاصل کی تھی، بارش کے باعث صرف 7اوورز کا کھیل ممکن ہوسکا تھا۔ واضح رہے کہ دونوں ملکوں کے درمیان اب تک 26 ٹی 20 انٹرنیشنل میچز کا انعقاد ہوچکا ہے، جبکہ دونوں ملکوں نے12، 12 میچز جیت رکھے ہیں جبکہ ایک میچ بے نتیجہ رہا اور ایک میچ ٹائی ہوا۔
14
