تفصیلات کے مطابق وفاقی وزیر ہوا بازی خواجہ آصف پی آئی اے یورپی روٹس کی بحالی کیلئے متحرک ہوگئے۔ذرائع نے بتایا کہ یورپی یونین کا ایوی ایشن ماہرین سمیت وفد 14 نومبر کو پاکستان آئے گا، یورپی یونین کے ایوی ایشن ماہرین کو پی آئی اے پر بریفنگ دی جائے گی۔یورپی ماہرین کوپی آئی اےکی پیشہ وارانہ صلاحیتوں ،استعداد کار سےآگاہ کیا جائے گا، ماہرین کا پہلا تعارفی سیشن وزارت اقتصادی امورمیں ہوگا۔سیشن میں ماہرین کو پی آئی اے کے پائلٹس کی مہارت کے کوائف اور پائلٹس کی جعلی ڈگری الزام پر وضاحتی تحقیقاتی رپورٹ سے آگاہ کیا جائے گا۔خواجہ آصف آئندہ چند ہفتےمیں پی آئی اے یورپی روٹس بحال کرانا چاہتے ہیں، انھوں نے یورپی ماہرین کومطمئن کرنے کیلئے خصوصی ہدایات جاری کی ہیں۔
8
