تفصیلات کے مطابق گلگت میں استور سے راولپنڈی جانیوالی کوسٹردریا میں گرگئی، جس کے نتیجے میں 2افراد جاں بحق اور ایک لڑکی زخمی ہوئی ، تاہم 21افرادکی تلاش کیلئےریسکیوآپریشن جاری ہے۔ حادثے کا شکار کوسٹر میں 23 افراد سوار تھے تاہم جائے حادثہ کےقریب ترین اسپتال ،گلگت سب ڈویژن جگلوٹ سول اسپتال میں عملے کو الرٹ کردیا گیا ہے۔ ترجمان جی بی حکومت نے بتایا کہ راولپنڈی جانیوالی باراتی کوسٹر تھلیچی پل کے قریب دریا برد ہوئی، حادثے کاشکار کوسٹر سے 2مسافروں کی لاشیں نکالی گئی ہیں. وزیراعلیٰ گلگت بلتستان نے افسوسناک حادثے پر اظہار افسوس اور نوٹس لیتے ہوئے کلی ریسکیو آپریشن تیز کرنے کی ہدایت کردی۔ کمشنر دیامر ، ڈپٹی کمشنر دیامر اور ریسکیو 1122 کا عملہ جائے حادثہ پر روانہ ہوگیا ہے تاہم بدقسمت بس میں سوار افراد کو نکالنے کی کوشش کی جارہی ہے۔
8
