فصیلات کے مطابق کراچی میں اسٹریٹ کرائم کی وارداتوں میں مسلسل اضافہ ہی ہوتا جا رہا ہے، تازہ واردات بھینس کالونی روڈ نمبر 3 پر کی گئی جس میں شہریوں سے لوٹ مار کی گئی۔ سی سی ٹی وی فوٹیج میں ملزمان کو موٹر سائیکل سواروں سے لوٹ مار کرتے دیکھا جا سکتا ہے، موٹر سائیکل سوار دو شہریوں نے جیسے ہی موٹر سائیکل سڑک کے کنارے روکی، پیچھے سے ایک اور موٹر سائیکل آ کر رک گئی۔ ایک لٹیرے نے اترتے ہی نیفے سے پستول نکال کر شہری کے ہاتھ سے موبائل فون چھین لیا، موٹر سائیکل چلانے والے شہری نے بھاگنے کی کوشش کی لیکن ناکام رہا، چند سیکنڈ تک لٹیرا شہری سے مزید چیزیں مانگتا رہا اور پھر دونوں لٹیرے بہ آسانی فرار ہو گئے۔ ملزمان کے چہرے سی سی ٹی وی فوٹیج میں دیکھے جا سکتے ہیں۔
14
