راولپنڈی ٹیسٹ میں پاکستانی اسپنرز ایک بار پھر 10 وکٹیں لے اڑے اور انگلینڈ کی ٹیم کو پہلی اننگز میں 267 رنز پر آؤٹ کردیا، قومی ٹیم کی جانب سے ساجد خان 6، نعمان علی 3 اور زاہد محمود ایک وکٹ حاصل کرنے میں کامیاب رہے، پاکستان نے تین وکٹوں کے نقصان پر 60 رنز بنا لیے۔ انگلینڈ کے کپتان بین اسٹوکس نے پاکستان کے خلاف ٹاس جیت کر پہلے خود بیٹنگ کرنے کا فیصلہ کیا جو درست ثابت نہ ہوا، قومی اسپنرز نے آدھی انگلش ٹیم کو 98 رنز پر پویلین واپس بھیج دیا۔ بین ڈکٹ اور زیک کرالی نے ٹیم کو 56 رنز کا آغاز فراہم کیا لیکن ان دونوں کے علاوہ دیگر کھلاڑی ڈبل فیگر میں داخل نہ ہوسکے۔ بین ڈکٹ 52 رنز اور زیک کرالی 29 رنز بنانے کے بعد نعمان علی کا شکار بنے جس کے بعد دیگر تینوں بلے بازوں کو ساجد علی نے پویلین واپس بھیجا۔ اولی پوپ 3 رنز بناکر آؤٹ ہوئے، جو روٹ اور ہیری بروکس 5،5نز بنانے کے بعد پویلین واپس لوٹ گئےکپتان بین اسٹوکس بھی صرف 12 رنز کے مہمان ثابت ہوئے جس کے بعد جیمی اسمتھ نے گس ایٹکنسن کے ساتھ ملکر 105 رنز کی اہم شراکت قائم کی، ایٹگنسن 39 رنز بناکر آؤٹ ہوئے۔ جیمی اسمتھ صرف 11 رنز کی کمی سے اپنی سنچری مکمل نہ کرسکے، ان کی اننگز میں 6 چھکے اور 5 چوکے شامل تھے۔ قومی ٹیم کی جانب سے تمام وکٹیں اسپنرز نے حاصل کیں، ساجد خان نے 6، نعمان علی 3 اور زاہد محمود نے ایک وکٹ اڑائی۔
