ذرائع نے بتایا کہ تشکیل دی گئی ٹیمیں آج رات سے کریک ڈاؤن شروع کریں گی، تھانوں کی مدد سے مقامی کارکنان کو گرفتار کیا جائے گا جبکہ کل احتجاج کیلیے آنے والے کارکنان کو بھی یہیں ٹیمیں گرفتار کریں گی۔ یاد رہے کہ پی ٹی آئی کی طرف سے احتجاج کی کال کے پیشِ نظر ٹیکسلا سے راولپنڈی آنے والے راستوں کو سیل کرنا شروع کر دیا گیا جبکہ اسلام آباد اور راولپنڈی کو ملانے والے تمام راستوں پر کنٹینر رکھ دیے گئے۔ کل بروز جمعہ پرائیویٹ اسکولز ایسوسی ایشن نے دارالحکومت میں تمام اسکولز بند کرنے کا اعلان کر رکھا ہے۔ پی ٹی آئی رہنما و قومی اسمبلی میں اپوزیشن لیڈر عمر ایوب کہتے ہیں کہ بانی پی ٹی آئی کے حکم پر کل سب ڈی چوک پہنچیں گے جس کیلیے قافلے تیار ہیں، اس حکومت کے دن گنے جا چکے ہیں۔ دوسری جانب پنجاب حکومت نے بھی لاہور میں چھے دن ککیلیے دفعہ 144 نافذ کر دی اور سیاسی اجتماعات، دھرنے، جلسے، مظاہرے اور احتجاج پر پابندی عائد کر دی جس اطلاق آج سے 8 اکتوبر تک ہوگا۔ پی ٹی آئی نے ہفتے کو لاہور میں احتجاج کا اعلان کر رکھا ہے
