ان کا کہنا ہے کہ پاک امریکا تعلقات کو زید مستحکم بنانے کیلئے کوشاں رہوں گا۔چیئرمین پاکستان کاکس ٹام سوازی کا کہنا ہے کہ پاکستان کاکس کی ذمہ داریاں سنبھالنے کیلئے انتہائی پُرجوش ہوں، ٹام سوازی سے ڈیموکریٹ رہنما ڈاکٹر آصف ریاض قدیر، کمیونٹی رہنما تنویر احمد نے ملاقات کی، اس موقع پر ڈاکٹر آصف ریاض قدیر نے ان کو دورہ پاکستان کی دعوت دی جو انہوں نے قبول کرلی۔چیئرمین پاکستان کاکس ٹام سوازی آئندہ ماہ نومبر میں پاکستان کا دورہ کریں گے۔ ٹام سوزی نے ملاقات کے دوران پاکستان زندہ باد کا نعرہ بھی لگایا۔علاوہ ازیں ٹام سوازی اور واشنگٹن میں پاکستانی سفیر رضوان سعید کی ٹیلی فون پر گفتگو ہوئی جس میں پاک امریکا تعلقات، دوطرفہ تعاون کو مزید مستحکم کرنے پر تبادلہ خیال ہوا، سفیر پاکستان نے ٹام سوازی کو مبارکباد پیش کی۔مزید پڑھیں : پاکستان کاکس کی چیئرپرسن شیلا جیکسن لی انتقال کرگئیں یاد رہے کہ سابق چیئرمین شیلاجیکسن لی کے انتقال کے بعد ٹام سوزی نے کاکس کی ذمہ داریاں سنبھال لی ہیں، ڈیموکریٹ رہنما ٹام سوزی نیویارک سے2017سے رکن کانگریس ہیں۔شیلا جیکسن لی سیلاب،زلزلے سمیت ہرناگہانی آفت میں پاکستان کی مدد کیلئے پیش پیش رہیں، انہیں حکومت پاکستان نے ہلال پاکستان کے اعزاز سے بھی نوازا تھا۔
10
