تفصیلات کے مطابق ایف آئی اے کارپوریٹ کرائم سرکل کراچی نے آسٹریلوی درآمد شدہ چنے کی غیر قانونی کلئیرنس میں ملوث عناصر کے خلاف کریک ڈاون کرتے ہوئے پلانٹ پروٹیکشن ڈپارٹمنٹ کے 3 آفسران کو گرفتار کر لیا گیا ایف آئی اے کے مطابق ضامن انٹرپرائزز نامی درآمد کنندہ فرم نے دھوکہ دہی سے آسٹریلوی درآمد شدہ چنے کی غیر قانونی طریقے سے کلئیرنس کروائی، ملزم نے پلانٹ پروٹیکشن ڈیپارٹمنٹ کے حکام کی ملی بھگت سے جعلی دستاویزات کی بنیاد پر مذکورہ کنسائنمنٹ کلیئر کرائی، پلانٹ پروٹیکشن ڈیپارٹمنٹ کے حکام نے کراچی پورٹ سے مذکورہ کنسائنمنٹ کی کلیئرنس کے لیے ریلیز آرڈر جاری کیا ایف آئی اے کا کہنا ہے کہ مذکورہ کنسائنمنٹ مکمل طور پر مضر صحت اور انسانی استعمال کے لیے انتہائی غیر موزوں تھی مذکورہ کنسائنمنٹ کو پاکستان پلانٹ قرنطینہ رولز 2019 کے لازمی تقاضوں کی کھلم کھلا خلاف ورزی کرتے ہوئے کلیئر کیا گیا تھا حکام نے بتایا کہ پلانٹ پروٹیکشن ڈیپارٹمنٹ کے ماہرین زراعت ولید مختار اور شہزاد سلمان اور ڈائریکٹر قرنطینہ قاسم کاکڑ کو گرفتار کر لیا گیا دیگر ملزمان کی گرفتاری کے لئے چھاپے مارے جا رہے ہیں مقدمہ درج کر کے تفتیش کا آغاز کر دیا۔
