پاکستان کرکٹ ٹیم کے سابق آل راؤنڈر عبدالرزاق نے کہا ہے کہ بابراعظم کو کپتانی نہیں کرنی چاہیے، ان میں کپتانی کی صلاحیت نہیں ہے، انہیں کھلاڑی کے طور پر ٹیم میں رہنا چاہیےنجی ٹی وی کے پروگرام میں گفتگو کرتے ہوئے عبدالرزاق کا کہنا تھا کہ کراچی کنگز کیخلاف میچ میں بابر اعظم کو پولارڈ کے سامنے تجربہ کار باؤلر کو لگانا چاہیے تھا، ٹی 20 میں آخری تین اوورز میں 60 رنز بھی بن سکتے ہیں انہوں نے کہا کہ بابر اعظم جس طرح کی بیٹنگ کرتے ہیں وہ مومینٹم بنا کر دیتے ہیں، بابر جس ٹیم میں ہوتے ہیں ان کا مڈل آرڈر مضبوط ہونا چاہیے۔ سابق کرکٹر کا کہنا تھاکہ بابر کے اندر کپتانی کی صلاحیت نہیں، انہیں کپتان نہیں ہونا چاہیے، انہیں کھلاڑی کے طور پر ٹیم میں رہنا چاہیے اور کھیلنا چاہیے۔ عبدالرزاق نے مزید کہا کہ میری کوشش ہوتی ہے ایسی بات کی جائے جو لوگوں کو نہ پتا ہو۔
