ایئرکوالٹی انڈیکس کے مطابق پیر کو لاہور کی فضائیں انتہائی مضرصحت ریکارڈ رہی اسی باعث دنیا کے آلودہ شہروں کی فہرست میں پھر سے پہلے نمبر پر آگیا لاہور کا ایئر کوالٹی انڈیکس 412 ریکارڈ کیا گیا ہے جبکہ کراچی کا فضائی معیار بھی انتہائی خراب رہا، شہر قائد میں پرٹیکیولیٹ میٹرز کی تعداد 209 ریکارڈ کی گئی دوسری جانب پاکستان کا پڑوسی ملک بھارت کا دارالحکومت دہلی آلودہ ترین شہروں میں دوسرے نمبر پر رہا ہے محکمہ موسمیات کا بتانا ہے کہ لاہور شہر میں صبح سویرے ہلکی دھند پڑی ہے جبکہ سردی میں اضافہ ہوا ہے، صبح سویرے درجہ حرارت 11 ڈگری سینٹی گریڈ ریکارڈ کیا گیا محکمہ موسمیات کے مطابق شہر میں آج بھی موسم خشک، صبح اور رات میں ٹھنڈی ہوائیں چلیں گی، شہر کا اس وقت موجودہ درجہ حرارت 18 ڈگری سینٹی گریڈ ہے جبکہ ہوا میں نمی کا تناسب 60 فیصد ہے۔
