ہزاروں سال کی تہذیب اپنے دامن میں سموئے وادی مہران (صوبہ سندھ) میں آج سندھ کی ثقافت کا دن منایا جا رہا ہے۔ کراچی سمیت ہر شہر، قصبہ اور گاؤں میں سندھی ٹوپی اور اجرکوں کی بہاریں آئی ہوئی ہیں مختلف سیاسی، سماجی تنظیموں کی جانب سے سندھ ثقافت کے حوالے سے خصوصی تقریبات کا اہتمام کیا گیا ہے جب کہ ریلیاں بھی نکالی جا رہی ہیں جس میں شریک نوجوانوں، بچوں اور بوڑھوں نے سندھ کے روایتی اجرک اور سندھی ٹوپی زیب تن کر رکھی ہے حیدرآباد، ٹھٹھہ، سجاول، بدین، عمر کوٹ، تھرپارکر، نوابشاہ، لاڑکانہ سمیت چپہ چپہ سندھ کی ثقافت کے رنگ میں رنگ چکا ہے اور لوک گیت سے فضائیں گونج رہی ہیں اور نوجوان ان دھنوں پر محو رقص ہیں یوم ثقافت منانے والوں کا کہنا ہے وہ آنے والی نسلوں کو اپنی ثقافت سے روشناس کرانا چاہتے ہیں اسی لیے یہ دن انتہائی اہتمام سے مناتے ہیں سندھ کے یوم ثقافت پر نگراں وزیراعلیٰ سندھ جسٹس (ریٹائرڈ) مقبول باقر، گورنر سندھ کامران ٹیسوری، سابق صدر آصف زرداری، پی پی چیئرمین بلاول بھٹو زرداری، فریال تالپور سمیت دیگر نے سندھ کے عوام کو مبارک باد پیش کی ہے واضح ہے کہ ہر سال دسمبر کے پہلے اتوار کو سندھ ثقافت کا دن جوش وخروش سے منایا جاتا ہے۔ یہ دن منانے کا آغاز 2010 میں ہوا تھا۔
![](https://adnnews.tv/wp-content/uploads/2023/12/sindh-cultural-day-696x334-1.webp)